El PP denuncia "usu irresponsable" de recursos públicos y la "nefasta" xestión de la OSPA

El tribunal que calificó con un cero a tres músicos de la Orquesta Sinfónica del Principáu Asturies afita les calificaciones

El diputáu asturianu del Partido Popular, José Luis Costillas, denunció esti llunes "irregularidades" na xestión y los procesos de selección de la Orquesta Sinfónica del Principáu d’Asturies (OSPA), na que considera que la "alta temporalidá" pon en riesgu la estabilidá llaboral y artística de l’agrupación.

Na rueda de prensa ufiertada pol parllamentariu, xunto a una representante del CSIF y un músicu afectáu, solliñó que la situación afecta "gravemente" la estabilidá llaboral y profesional de la OSPA, asina como la calidá artística de la institución.

Dixo que la situación entamó va cuasi cuatro meses, cuando tres músicos con más d’una década de serviciu na orquesta recibieron una calificación de cero nes pruebes d’afitamientu de plaza, evaluación que "nun amuesa" la trayectoria, nin la capacidá d’estos músicos, que siguieron "desempeñando funciones clave en conciertos importantes".